3大簡易分類教你買快證!! USJ Express Pass制霸攻略 |大阪|

3大簡易分類教你買快證!! USJ Express Pass制霸攻略 |大阪|

近兩星期日本最人氣的話題，非USJ（日本環球影城）15周年的慶祝活動莫屬，幾百個Fans為了玩新過山車「飛天翼龍」，於開幕（3月18日）前一晚已經在場外排隊等候，到當日開園短短20分鐘已經截龍，即是最高紀錄是排足12粒鐘，諗起都覺得辛苦！日本人可能非常習慣排隊，但出名心急的香港人絕對唔想浪費一分一秒在無必要的地方上，就算你唔介意排，都會介意入場只玩到一樣遊戲，所以，你需要的，是買一張Express Pass（即是用錢去解決）！

Step 1 提早一個月決定入場的日子

雖然入場券幾乎是絕對可以買到的，但Express Pass 則是限量發售，而所有Express Pass 購票時都要選定入場日子，所以怎樣說你都要一早決定，尤其是5月頭的日本黃金周及8月的暑假！

Step 2 揀啱自己玩的Express Pass

為了配合新遊戲新巡遊，USJ 推出了3種全新（兼非常複雜）的 Express Pass， 價錢不同日日由 ￥3,900-13,200/ HK$273-924， 比入場券更貴，所以要諗清諗楚才落實買哪一種。 

15周年Special

如果你已經玩過「哈利波特禁忌之旅」，那就不用多想，買這個就好了，可以玩齊兩個新遊戲「飛天翼龍」及「KPP XR 飛車」。 

‧ Express 4

分「Standard 」及 「Thrill 」兩款，前者適合哈利波特 Fans，包「哈利波特禁忌之旅」、 「蜘蛛俠」；後者則適合喜歡玩過山 車的人，包「飛天翼龍」、「荷里活美夢」。 

 ‧ Express 7

共有3款，唯一分別是要從「飛天翼龍」、「KPP XR 飛車」及「荷里活美夢倒車版」中三揀一，但全部都可以玩到「哈 利波特禁忌之旅」、「蜘蛛俠」！別以為價錢貴便很少人買，其實是最快售罄的，特別是包「飛天翼龍」那款，網上4月中之前的票早已賣完！

用信用卡於官網（日文版）買

好處是「有得揀」，可以揀 啱日子揀啱時段才決定買。

‧ 於香港指定旅行社買

只能買到「Express 4~Thrill 」，而 東瀛遊則可買到兩款「Express 4 」，不過兌十算，價錢比 上網買貴30%！

3大簡易分類教你買快證!! USJ Express Pass制霸攻略 |大阪|